Расул Кушербаев UzAuto Motors автомобиллери ушын 85 процентлик алдыннан төлем муғдарын кемейтиў бойынша ҳүкиметке усыныслар таярланып атырғанын мәлим етти.Депутат «Газета.uz»ға берген интервьюсында алдыннан төлем көби менен 50% болыўы керек екенлигин айтқан. «Еле көрсетилмеген хызмет ҳәм сатып алынбаған товар ушын алдыннан төлем өткерилиўи мәниссиз», — деди ол.
Кушербаев автомобиль импорты бойынша бажыхана бажысын кемейтиў мәселесине де тоқталып, бул қарарды қабыллаўға қатаң батыллық керек енлигин де айтып өтти.
Бул ҳаққында «Ел хызметинде» газетасы өзиниң телеграм каналында жазды.
