Бүгин, 22 февраль күни болып өткен Олий Мажлис Нызамшылық палатасының мәжилисинде депутатлар "Сыртқы мийнет миграциясы ҳаққында"ғы Өзбекстан Республикасы нызамы жойбарын көрип шықты.Жазылыўына қарағанда, нызам жойбарында сыртқы мийнет миграциясы саласындағы мәмлекет сиясатының тийкарғы бағдарлары белгиленип атыр.
Парламент төменги палатасына көре, нызам жойбарында тараўда қолланылып атырған түсиниклердиң мазмун-мәниси ашып берилип атыр.
Соның менен бирге, жойбарда нәзерде тутылған нормалар менен бирлескен жағдайда жумысқа жайластырылатуғын пуқараларды социал қоллап-қуўатлаў, Өзбекстан Республикасынан сыртта ўақтыншалық мийнет искерлигин әмелге асырып атырған пуқаралардың ҳуқықлары ҳәм нызамлы мәплерин қорғаў, соның менен бирге мийнет миграциясынан қайтып келген пуқараларды реинтеграция қылыў тәртиби системаластырылады.
Мәжилисте нызам үшинши оқылыўында қабыл етилген.
