Шоманай районы ҳәкиминиң орынбасары жәриймаға тартылды. Бул ҳаққында ӨзА хабар бермекте.Мәлим етилиўинше, “Давр” ЖШЖ (аты өзгертирилген) Шоманай районы ҳәкими орынбасары Рашид Клышевтиң минез-қулқларынан наразы болып, Бизнес-омбудсманға шағым еткен.
Анықланыўынша, Шоманай районы ҳәкими орынбасарына ЖШЖ тәрепинен жер майданы ажыратыў бойынша мүрәжат келип түскен. Бирақ ҳәким орынбасары тәрепинен бул мүрәжат тийкарсыз түрде жуўапсыз қалдырылған.
Нәтийжеде, Бизнес-омбудсман тәрепинен Шоманай районы ҳәкими орынбасарына ҳәкимшилик ҳуқықбузарлық ҳаққында баяннама рәсмийлестирилген ҳәм Жынаят ислери бойынша Шоманай районы суды тәрепинен Шоманай районы ҳәкими орынбасарына “Давр” ЖШЖниң мүрәжатына жазба ямаса электрон формада жуўап жибермегенлиги ушын базалық есаплаў муғдарының бир есеси муғдарында жәрийма салынған.
Makan.uz
