Бүгин 2021-жыл 10-ноябрь күни Хожели районының ҳәкими Ж.М.Ермашев ҳәм прокуроры Д.Елмуратов басламасы исбилермен Р.Сариев жәрдеми менен "Сарышунгул" АПЖда жасаўшы Файзуллаева Жумагүл апа бийпул жай менен тәмийинленди.Нураный Жумагүл апамыз 12-санлы мектепте өткерилген көшпели қабыллаўда турақ жайының жарамсыз ҳалатқа келип қалғаны, өзиниң тазадан жай салып алыўға күши жетпейтуғынлығын билдирип өтеди.
Сектор баслықлары тәрепинен исши топар дүзилип үйренип шығылады ҳәм бүгин 3 ханалы таза қурылған имараттың гилти салтанатлы түрде тапсырылды.
Хожели районы Ҳәкимлигиниң мәлимлеме хызмети
