Төмендегилерге ўақтынша мийнетке уқыпсызлық напақасы ис ҳақысының 100% муғдарында төленеди: — ислеп атырған 1941-1945 жыллардағы урыс қатнасыўшысыларына;
— байналминал жаўынгерлер ҳәм оларға теңлестирилгенлерге;
— қараўында 16 жасқа (оқыўшылар 18 жасқа) жетпеген 3 ямаса одан артық балалары барларға;
— Чернобил АЭСдағы аварыяны тамамлаўда қатнасқанларға;
— Чернобил АЭСдағы авария нәтийжесинде радиоактив патасланыў зонасынан эвакуация етилген ҳәм көширилген, өткир лейкоз, аденома, рак ҳәм қәўипли кеселликке шалынғанларға;
— мийнетте майыплығы ҳәм кәсип кеселлиги нәтийжесинде ўақтынша мийнетке уқыпсыз болғанларға.
Басқа хызметкерлерге төмендеги муғдарларда толықланады:
— жумыс стажы 8 жыл ҳәм одан көп хызметкерлерге ҳәм 21 жасқа жетпеген шын сағырларға ис ҳақысының 80% муғдарында;
— ис стажы 8 жылға шекем хызметкерлерге ис ҳақысының 60% муғдарында төленеди.
— Ўақтынша мийнетке уқыпсызлық напақасын белгилеў ушын тек белгиленген тәртипте берилген ўақтынша мийнетке уқыпсызлик (кеселлик бетти) тийкар болады.
