Шавкат Мирзиёев Шайхонтоҳур районындағы Гулободқа барған ўақытта 41-мектепке кирди. Президент спорт залына кирип, дене тәрбия сабағындағы балалар ҳәм оқытыўшылар менен сөйлести. Мектеп асханасы, менюсин көрди ҳәм бирме-бир сорастырды.
«Булар енди имканы жеткенше өнимлерди алып келип, таярлайды. Ташкентте сондай болса, Қарақалпақстанда қандай? Мектеп асханаларының ишине еле кирмедик. Сапасы, муддети қандай, баҳасы – буларды жақсылаў бойынша жумыс алып бармадық. 10-январьға шекем мектеплер асханаларына сапалы, тойымлы, балансластырылған азықнама болыўы ушын кетринг хизметин аутсорсинг тийкарында шөлкемлестириў бойынша пуқта жобалар ислең», – деди Президент.
