«Тәлим-тәрбия – бул биздиң келешегимиз, өлим ҳәм өмир мәселеси. Сол себеп, бул тараўдағы реформаларды кешиктириўге ҳаққымыз жоқ. Қаншели қыйын болса да, мектеп билимлендириўиндеги тийкарды бүгиннен беккем қойыўымыз керек. Себеби, биз көп ўақыт жойттық.
Егер кимде-ким бул тек Халық билимлендириў министрлигиниң жумысы деп ойласа, қатты алжасады.
Мектеп билимлендириўи тараўындағы реформалар министрлик ҳәм мекемелер, тармақ басшылары, бәрше дәрежедеги ҳәкимлер, илмий шөлкемлер, оқымыслы адамлар, кең жәмийетшилик ўазыйпасы болыўы шәрт ҳәм керек. Сонда ғана күтилген нәтийжеге ерисиў мүмкин», деди Президент жыйналыс алдында.
