Мәмлекетлик статистика комитетиниң мағлыўматларына бола, 2022-жыл январь айында тутыныў секторының товарлары ҳәм хызметлери тараўында инфляция 0,9 процентти қурады.Мағлыўматларға қарағанда, тутыныў баҳалары индексиниң жыллық өсиў пәти 9,8 процентке жетти. Соның менен бирге, 2022-жылдың биринши айында баҳалар ҳәм тарифлердиң өсиўи бойынша азық-аўқат өнимлериниң жетекши орынларын ийеледи: өсиў орташа 1,3 процентти қурады.
Соның менен бирге, усы дәўирде азық-аўқат емес товарлардың баҳалары 0,5 процентке, халыққа төлемли хызметлер 0,7 процентке артты.
Баҳалардың ең үлкен өсиўи азық-аўқат өнимлеринде атап өтилди. 2021-жылдың ақырына салыстырғанда мийўелер 3,1 процентке, овощлар 5,8 процентке артқан.
Гөш өнимлери 2022-жыл январь айында 0,4 процентке арзанлаған.
Қарақалпақстан хабар агентлиги
