Мәмлекетлик қабыллаў комиссиясының 2-санлы протоколы тийкарында кәсиплик (дөретиўшилик) имтиханлар менен бирге мәжбүрий үш пәннен – ана тили (өзбек, рус ямаса қарақалпақ тили), математика ҳәм Өзбекстан тарийхы пәнлеринен тест сынағы арқалы бакалавриат тәлим бағдарларына оқыўға кириў ушын онлайн дизимнен өткен, бирақ белгиленген төлемди әмелге асырмаған абитуриентлерге бир жумыс күни ишинде тийисли төлемди әмелге асырыўға рухсат берилди.
Бунда усы категориядағы абитуриентлер бүгин, 28-июль күни саат 18:00 ге шекем төлемди әмелге асырыўы мүмкин.
Төлеў мүддети тек ғана дөретиўшилик имтиханы болған бағдарға тапсырғанлар ушын узайтылды. 5 пәннен тест тапсырылатуғын бағдарларға дизимнен өткен ҳәм төлемди әмелге асырыўға үлгермегенлер ушын төлеў мүддети узайтылмады.
Имканияттан нәтийжели пайдаланған ҳалда төлемди әмелге асырмаған абитуриентлер тезирек төлеўи усыныс етиледи.
Karinform.uz
