Қырғызстанның алдынғы еки президенти халықаралық излеўге берилдиҚырғызстанның биринши ҳәм екинши президенти Асқар Акаев ҳәм Қурманбек Бакиевлар мәмлекеттеги ең үлкен алтын кәни Қумтар иси бойынша халықаралық излеўге берилди.
Айтыўларға қарағанда, Акаев Канаданың «Камеко» компаниясы менен шәртнама дүзип атырғанда өз ўәкәлатларынан пайдаланғанлықта гүманланбақта. Сондай-ақ, Қырғызстанның еки алдынғы президенти тергеўде Қумтар алтын кәнин өзлестириўдеги коррупция иси бойынша суд алдында жуўап бериўи кереклиги айтылған. Курманбек Бакиевтиң баласы Максим Бакиев де излеўге берилген.
Мағлыўматларға қарағанда, Бакиев Беларусь пуқарасы, Акаев болса Москвада Россия паспорты менен жасайды. Экспертлердиң пикирине көре, олардың дәрежеси соншелли үлкенлигинен ҳеш бир тәреп Қырғыстанның алдынғы президентлерин Бишкекке тапсырмайды.
➡️ @KarOneUZ - Биринши бизде!
