Футбол бойынша Өзбекстан Миллий командасының дәслепки устазы Рустам Акрамов 73 жасында қайтыс болды.Ол өз искерлиги даўамында өзбек ҳәм Бурынғы Аўқам футболы раўажланыўына үлкен үлес қосқан.
Рустам Акрамов Өзбекстан Ғәрезсизликке ерискеннен соң футбол бойынша миллий команданы баскарған дәслепки тренер.
1992-1994-жылларда команда ол басшылығында Орайлық Азия чемпионаты ҳәм 1994-жыл Хиросимада өткен Азия ойынларында жеңиске ерискен.
Акрамов ОФК техник директоры ҳәм ФИФА инструкторы болып та ислеген.
Ол өзбек футболына қосқан үлеси ушын "Шухрат" медалы ҳәм "Өзбекстанға хызмет көрсеткен спорт устазы" атақларына ийе.
