Өзбекстан Республикасы Денсаўлықты сақлаў министрлиги ҳәм Өзбекстан медициналық туризм ассоциациясы шөлкемлестириўинде Самарқанд ўәлаятында усы жылдың 30,31-октябрь күнлери футзал бойынша шыпакерлер арасында «XOTIRA CUP» Өзбекстан чемпионаты өткерилди. Чемпионатқа жәми 30 команда қатнасыўы белгиленген болып, оған Қарақалпақстан Республикасы шыпакерлери сайланды командасы да қатнасты.Жарыс даўамында Қарақалпақстан сайланды командасы өз топарында биринши орынды ийелеп, плей-офф басқышына жол алды. Плей-офф басқышында жақсы қатнасып финалға жол алған командамыз ағзалары финалда Ташкент медицина академиясы көп тармақлы клиникасы командасы менен күш сынасып, сыйлы екинши орынды алыўға мияссар болды.
Қарақалпақстан Республикасы шыпакерлери сайланды командасын көрсеткен нәтийжеси менен қутлықлай отырып, алдағы спорт жарысларында әўмет тилеп қаламыз.
✍ KarOne.uz
Дерек: @qrdssm
