Усы жылдың 6-ноябрь күни Нөкис қалалық 1-санлы балалар ҳәм жас өспиримлер спорт мектебинде денсаўлықты сақлаў тараўы хызметкерлери арасында спорттың киши футбол түри бойынша Өзбекстан денсаўлықты сақлаў хызметкерлери кәсиплик аўқамының Қарақалпақстан Республикасы Кеңеси Кубогы өткерилди.1-орынды Қараөзек районы, 2-орынды Қоңырат, 3-орынды ҚР Санитария-эпидемилогиялық тынышлық ҳәм жамийет саламатлығы басқармасы командасы ийеледи.
Илажға ҚР Денсаўлықты сақлаў министриниң биринши орынбасары Қуралбай Камалов ҳәм Өзбекстан кәсиплик аўқамлары Федерациясының ҚР Кеңеси баслығының орынбасары Муратбай Дәнияровлар қатнасты. Жеңимпазлар Өзбекстан денсаўлықты сақлаў хызметкерлери кәсиплик аўқамының Қарақалпақстан Республикасы Кеңеси тәрепинен тийисли кубок ҳәм медаллар, дипломлар ҳәм қымбат баҳалы саўғалар менен сыйлықланды.
Сондай-ақ, 6 номинация бойынша жеңимпазлар анықланды. Жарысқа белсене қатнасқан барлық командаларға диплом ҳәм баҳалы саўғалар салтанатлы тәризде тапсырылды.
