«Түри өзгертилген (қарайтылған) айналы автотранспорт қуралларынан пайдаланыў тәртибин жетилистириў бойынша қосымша илажлар ҳаққында»ғы Ҳүкимет қарары (465-санлы, 28.07.2021-жыл) қабыл етилди.Қарарға бола, 2021-жыл 1-октябрьден автотранспортлар айналарының түсин өзгертиўге (қарайтыўға) руқсатнама бериў бойынша мәмлекетлик хызмет тек ғана Бирден-бир интерактив мәмлекетлик хызметлер порталы (БИМХП) арқалы көрсетиледи.
Қарар менен тастыйықланған ҳәкимшилик регламентке бола, автотранспортлар айналарының түрин өзгертиў (қарайтыў) жумыслары автотранспорт қуралының ийеси тәрепинен еркин түрде әмелге асырылады.
Автотранспорттың артқы айнасының түрин жақтылық өткериўшеңлиги шекленбеген дәрежеде өзгертиў (қарайтыў), сондай-ақ, алдыңғы айнасының жоқары бөлегиниң түрин 14 см ден көп болмаған полоса түринде жақтылық өткериўшеңлиги шекленбеген дәрежеде өзгертиў (қарайтыў) ушын руқсатнама талап етилмейди.
Руқсатнама 1 жыл мүддетке бериледи.
Арза бериўши тәрепинен руқсатнама ушын төлем 10 күн мүддетте әмелге асырылады.
Руқсатнама бурын берилген руқсатнаманың әмел етиў мүддетине шекем қайта рәсмийлестириледи.
БИМХП арқалы (my.gov.uz) руқсатнаманы қайтадан рәсмийлестириў бойынша мәмлекетлик хызмет көрсетилгени ушын төлем өндирилмейди.
Қарақалпақстан хабар агентлиги
